"Türkiyə İrandan atılan raketin vurulmasından sonra hər cür düşmənçilik hərəkətlərinə cavab verəcək".
Oxu.Az xəbər verir ki, bu barədə Türkiyə Prezident Administrasiyasının Kommunikasiya İdarəsinin rəhbəri Burhanəddin Duran "X" sosial şəbəkə hesabında açıqlama yayıb.
"İrandan atılan raket İraq və Suriya hava məkanından keçərək Hatay bölgəsindəki hava məkanımıza doğru uçurdu. Raket NATO-nun hava hücumundan müdafiə sistemləri tərəfindən məhv edildi. Raket parçası Hatay əyalətindəki açıq əraziyə düşüb. Tələfat olmayıb. Ərazimizi və hava məkanımızı qorumaq üçün bütün lazımi addımlar tərəddüd etmədən atılacaq. Hər hansı bir düşmənçilik hərəkətinə beynəlxalq hüquq çərçivəsində lazımi cavab veriləcək. NATO və müttəfiqlərimizlə məsləhətləşmələr və əməkdaşlıq bu proses boyunca davam edəcək", - deyə Burhanəddin Duran bildirib.
