Fələstinin Rusiyadakı səfiri Qəzzanın bərpasından danışdı: Nə qədər pul tələb olunacaq?

Qəzza zolağının bərpası, BMT-nin hesablamalarına görə, 80-90 milyard dollar həcmində qiymətləndirilir.

Oxu.Az-ın xəbərinə görə, bu barədə Fələstinin Rusiyadakı səfiri Abdel Hafiz Nofəl "Izvestiya" nəşrinə müsahibəsində bildirib.

"BMT-nin hesablamalarına görə, Qəzzanın bərpası üçün məbləğ 80-90 milyard dollar olaraq qiymətləndirilir. İnfrastrukturun bərpası üçün yeddi-səkkiz il vaxt lazımdır", - deyə o qeyd edib.

Onun sözlərinə görə, bu səbəbdən də təcili olaraq Qəzzanın yenidən qurulması ilə bağlı beynəlxalq donor konfransının keçirilməsinə zərurət var.