"Ford" və "General Motors" da daxil olmaqla bəzi avtokonsernlər silah istehsalına, o cümlədən "Patriot" və "Tomahawk" raketlərinin "və daha çoxunun" istehsalına başlaya bilər.
Oxu.Az-ın məlumatına görə, bunu ABŞ Prezidenti Donald Tramp Ağ Evdə jurnalistlərlə görüşü zamanı bildirib.
Dövlət başçısı vurğulayıb ki, söhbət əlavə istehsal potensialı olan, artıq raketlərin tədarükü və istehsalı ilə bağlı sazişlər bağlayan şirkətlərdən gedir.
Trampın sözlərinə görə, "General Motors" artıq silah istehsalında "çox maraqlıdır" və hərbi məhsulların buraxılışına yenidən yönəldilə biləcək bir neçə zavoda malikdir.
Ağ Ev rəhbəri, həmçinin bildirib ki, ABŞ silah istehsalını artırır və kifayət qədər "Patriot" raketinin olmasını təmin etmək istəyir.
"Biz silah istehsalı istiqamətində ciddi iqtisadi yüksəliş dövründəyik və bəzi avtomobil şirkətləri, əgər onlarda artıq güc varsa, raketlərin, xüsusən də "Patriot" raketlərinin tədarükü və istehsalı ilə bağlı sazişlər bağlayırlar. Bizim bu silahlardan yetərincə ehtiyatımız var, ancaq daim kifayət qədər ehtiyat namizədlərimizin olmasında əmin olmaq istəyirik", - deyə prezident bildirib.
