Fransada mənzilində beş körpənin qalıqları aşkarlanan qadın həbs edilib.
Oxu.Az xəbər verir ki, bu barədə BFMTV telekanalı məlumat yayıb.
Məlumata görə, Voklüz departamentinin Oranj şəhərindəki mənzilində beş körpənin cəsədi tapılan 32 yaşlı qadın iyulun 31-də rəsmi olaraq istintaqa cəlb edilib və barəsində həbs qətimkan tədbiri seçilib.
Telekanalın məlumatına əsasən, qadın körpələrin öldürülməsini inkar edib.
Daha əvvəl məlumat verilmişdi ki, polis Fransada yaşayan 32 yaşlı qadını və onun birgə yaşadığı şəxsi saxlayıb. Körpələrin qalıqları onların yaşadığı mənzildə aşkarlanıb.
Qeyd olunub ki, tapıntını şübhəli qadının tərəfdaşı mənzili yoxlayarkən aşkar edib.
Qaynar xətt:
(055) 224 12 12
