ABŞ-də səfərdə olan Almaniyanın Kansleri Fridrix Mertsin gecələməsi üçün ayrılan otaq mətbuat işçilərinin diqqətindən yayınmayıb.
Oxu.Az bu barədə "Bild" nəşrinə istinadən məlumat yayıb.
Belə ki, Fridrix Merts Vaşinqtondakı "Blair House" hotelində bir vaxtlar şahzadə Diana və Jaklin Kennedinin qaldıqları çəhrayı yataqlı otaqda yerləşib.
Qeyd edək ki, Kansler vəzifəsində ABŞ-yə ilk səfəri çərçivəsində F.Merts iyunun 5-də Ağ Evdə Birləşmiş Ştatların Prezidenti Donald Tramp ilə görüşəcək. Sonra birgə nahar və mətbuat nümayəndələri üçün brifinq nəzərdə tutulub.
Görüşdə iki ölkə arasındakı münasibətlər, NATO və Avropanın təhlükəsizliyi, Rusiya-Ukrayna müharibəsi, Yaxın Şərqdəki vəziyyət və gömrük tarifləri kimi beynəlxalq məsələlər müzakirə ediləcək.
