"Google" bəzi işçilərin ofisə qayıtmasını tələb edir

"Google" rəhbərliyi öz vəzifələrini uzaqdan yerinə yetirən bəzi işçilərin ofisdə işləməyə davam etmələrini tələb edir.

Oxu.Az xəbər verir ki, bu barədə CNBC telekanalı məlumat verib.

Korporasiyanın bir neçə bölməsi uzaqdan işləyən işçilərə məlumat verib ki, yaxın vaxtlarda işəgötürənin tələbini yerinə yetirməsələr, işdən çıxarıla bilərlər. Qeyd edilib ki, "Google"un bəzi mütəxəssislərinə, həmçinin hibrid cədvələ keçmək təklif olunub.

Koronavirus pandemiyası başa çatdıqdan sonra getdikcə daha çox şirkət uzaqdan işləmək imkanını məhdudlaşdırır. Bu tendensiya şirkətlərin öz xərclərini azaltmaq istəyi ilə bağlıdır. Xüsusilə, bəzi digər texnologiya nəhəngləri kimi, "Google" da bahalı süni intellekt proqramlarına əlavə vəsait ayırmağa çalışır.