"Haber Global" İlham Əliyevin Qırğızıstan səfərinə dair reportaj təqdim edib - VİDEO

Azərbaycan Prezidenti İlham Əliyev Qırğızıstana dövlət səfəri çərçivəsində bu ölkənin ən yüksək dövlət mükafatı ilə təltif olunub.

Oxu.Az xəbər verir ki, bu barədə "Haber Global" telekanalının Azərbaycan Prezidentinin Qırğızıstan səfərinə dair videomaterialında deyilir.

Materialda İlham Əliyevin Qırğızıstandakı rəsmi görüşlərindən danışılır. Qeyd olunur ki, Qırğızıstan Prezidenti Sadır Japarov azərbaycanlı həmkarına I dərəcəli "Manas" ordenini təqdim edib.

Qırğızıstan tərəfinin bildirdiyinə görə, orden İlham Əliyevə Azərbaycanla Qırğızıstan arasında dostluq və strateji tərəfdaşlıq münasibətlərinin möhkəmləndirilməsinə, eləcə də ikitərəfli əməkdaşlığın inkişafına verdiyi töhfələrə görə təqdim olunub.