Qəzza bölgəsinə nəzarət edən Həmas hərəkatının lideri İsmayıl Haniyyə İsrail sərhədində “Böyük qayıdış” yürüşünün davam edəcəyini elan edib.
Oxu.Az xəbər verir ki, bu barədə “RİA Novosti” məlumat yayıb.
İki aya yaxın davam edən “Böyük qayıdış” kampaniyası çərçivəsində keçirilən etiraz aksiyalarında İsrail hərbçiləri 110 fələstinlini qətlə yetirib, 10 minə yaxın insan güllə yarası alıb və ya gözyaşardıcı qazdan zəhərlənib.
“Böyük qayıdış yürüşü davam edəcək, davam edəcək, yenə də davam edəcək. Bizim verdiyimiz qurbanlar yürüşün davam etməsi üçün bir yanacağa çevrildi”, - deyə Haniyyə jurnalistlərə verdiyi açıqlamada bildirib.
F.M.
www.oxu.az
