Alimlərin hesablamaları göstərir ki, kainatda hər saniyədə çox sayda supernova partlaması baş verir, lakin bu rəqəmlər geniş diapazonda dəyişir və müəyyən amillərdən asılıdır.
Oxu.Az xəbər verir ki, bununla bağlı "IFLScience" məlumat yayıb.
Supernovalar kainatdakı ən güclü və parlaq partlayışlardan biridir. Adi supernova partlaması kütləsi Günəşdən ən azı 8 dəfə böyük olan ulduzun məhv olmasına səbəb olur.
Alimlərin hesablamalarına görə, kainatda orta hesabla hər saniyədə 130 supernova partlayışı baş verir, lakin bu rəqəm 13-dən 1 270-ə qədər dəyişə bilər.
Qeyd edək ki, görünən kainat təxminən 93 milyard işıq ilini əhatə edir (1 işıq ili təxminən 9.5 trilyon kilometrdir). Son təxminlərə görə, kainatda 2 trilyon qalaktika var.
