Hindistanın şimalında Himalay dağlarında helikopterin qəzaya uğraması nəticəsində yeddi nəfər ölüb.
Oxu.Az bu barədə PTI agentliyinə istinadla xəbər verir.
Ölənlər arasında altı zəvvar və bir pilot var.
Bildirilir ki, qəza Qaurikund meşələri üzərində əlverişsiz hava şəraiti ilə əlaqədar görüş məsafəsinin pisləşməsinə görə baş verib.
Helikopter səhər tezdən dəniz səviyyəsindən 3 500 metrdən çox yüksəklikdə yerləşən Kedarnath kəndindən havaya qalxıb.
Uçuşdan qısa müddət sonra qəzaya uğrayıb və alovlanıb.
