Hindistanın şimal-şərqindəki Bixar ştatında tələbələr dövlət qulluğuna qəbul imtahanı zamanı qanun pozuntuları və materialların sızması iddiası ilə aksiya keçirərək nəticələrin ləğvini tələb ediblər. Tələbə etirazları polislə toqquşmaya səbəb olub.
Oxu.Az xəbər verir ki, bu barədə xəbəri "The Indian Express" qəzeti yayıb.
Məlumata görə, yüzlərlə tələbə və işsiz gənc yerli vaxtla saat 10:00-da (Bakı vaxtı ilə 08:30-da) Patna şəhərindəki Qandi-Maydan meydanından yürüşə başlayıb. Kütlə şüarlar səsləndirərək ştatın baş naziri Samrat Çoudharinin evinə doğru irəliləyib.
Bildirilir ki, polis onların hərəkət istiqamətində xüsusi maneələr və barrikadalar qursa da, etirazçılar bu sədləri aşmağa cəhd göstəriblər. Hüquq-mühafizə orqanlarının əməkdaşları nümayişçilərə qarşı su şırnaqları və rezin dəyənəklər tətbiq edib.
