Hindistanın paytaxtı Yeni Delhidə dördmərtəbəli binanın uçması nəticəsində 11 nəfər ölüb, beş nəfər yaralanıb.
Bu barədə Oxu.Az NDTV telekanalına istinadla xəbər verir.
Xilasedicilər hələ də dağıntılar altında qala biləcək insanları çıxarmağa çalışırlar.
Telekanalın məlumatına görə, çökmə şəhərə qasırğalı külək və tufanla müşayiət olunan güclü yağışın yağmasından bir neçə saat sonra baş verib.
Bununla belə, rəsmi şəxslər dağıntının səbəbinin hələ də araşdırıldığını bildiriblər.
