Husilər İsrailin hərbi bazasına raket zərbəsi endirib

Yəmən husiləri Neqev səhrasında yerləşən İsrailin Nevatim hərbi bazasına "Fələstin-2" adlı hipersəsli ballistik raketlə zərbə endirib.

Oxu.Az-ın "Al-Arabiya News"a istinadən xəbərinə görə, bu barədə qruplaşmanın hərbi nümayəndəsi Yəhya Saria məlumat verib.

Qeyd edək ki, husilər, həmçinin Yəmənin Əl-Cauf əyalətinin hava məkanında ABŞ-yə məxsus "MQ-9 Reaper" pilotsuz təyyarəsini vurub.

Bu məlumatı husilərə məxsus "Al-Masirah" telekanalı yayımlayıb.