İlon Mask idarəsinin səhvlərə yol verdiyini etiraf edib

ABŞ Prezidenti Donald Tramp İlon Maskın rəhbərlik etdiyi Hökumətin Səmərəliliyi Departamentinin (DOGE) fəaliyyətindən məmnun olduğunu, lakin federal qurumlarda işçi ixtisarları aparılarkən ehtiyatlı davranmağı tövsiyə etdiyini bildirib.

Oxu.Az xəbər verir ki, Tramp bu barədə "Truth Social" sosial şəbəkəsində paylaşım edib.

"Biz "balta" yox, "skalpel" deyirik", - yazan Tramp vurğulayıb ki, ixtisarlar vacibdir, lakin ən yaxşı və ən məhsuldar insanları qoruyub saxlamaq da önəmlidir.

"Agence France-Presse" agentliyi hesab edir ki, prezidentin bu sözləri DOGE-nin səlahiyyətlərini məhdudlaşdırmağa yönəlmiş ilk addım kimi qiymətləndirilə bilər.

İlon Mask Trampın sözləri ilə razılaşıb və idarəsinin səhvlərə yol verdiyini etiraf edib.