Tehranın qərb istiqamətindəki Şəhriyar rayonuna endirilən zərbə nəticəsində çoxlu sayda ölən və yaralı var.
Oxu.Az YJC xəbər agentliyinə istinadən xəbər verir ki, bu barədə rayonun qubernator müavini məlumat yayıb.
"Şəhriyar rayonunun Vian şəhərində yaşayış məntəqəsinə endirilən raket zərbəsi nəticəsində 6 yaşlı uşaq və üç qadın da daxil olmaqla ən azı doqquz nəfər həlak olub. Axtarış və xilasetmə əməliyyatları davam etdirilir", - deyə rəsmi açıqlamada bildirilib.
Qeyd edilib ki, 15 nəfər müxtəlif dərəcəli xəsarət alıb.
ABŞ və İsrailin Tehranın şərqində yerləşən İranın Pərdis şəhərinə hava hücumları nəticəsində ən azı altı nəfər həlak olub.
Oxu.Az-ın xəbərinə görə, bu barədə "Mehr" xəbər agentliyi məlumat yayıb.
Agentliyin məlumatına görə, ölənlər arasında üç uşaq da var.
İran paytaxtının mərkəzi hissəsinə edilən son hücum nəticəsində Tehranda fəaliyyət göstərən sinaqoqlardan birinin binasına ziyan dəyib.
Oxu.Az-ın məlumatına görə, bu barədə "Mehr" agentliyi xəbər yayıb.
Məlumata əsasən, Tehranın mərkəzində yerləşən sinaqoq binası ciddi şəkildə zədələnib, tikilinin bəzi hissələri dağılıb. Qeyd olunur ki, ABŞ və İsrail qüvvələri tərəfindən paytaxtın atəşə tutulması zamanı mərmi sinaqoqun tam yaxınlığında partlayıb.
Yerli kütləvi informasiya vasitələri İsrailin Tehrandakı Mehrabad beynəlxalq hava limanına da hücum etdiyini bildirirlər. İslam Respublikasının cənubunda yerləşən Şiraz şəhərində də bir sıra güclü partlayışlar qeydə alınıb. Hazırda konkret hansı obyektlərin bombardmana məruz qaldığı barədə dəqiq məlumat yoxdur.
