"İran və ABŞ arasında münaqişənin tənzimlənməsini nəzərdə tutan memorandum iyunun 14-də imzalanmayacaq".
Oxu.Az xəbər verir ki, bu barədə İran Xarici İşlər Nazirliyinin rəsmi nümayəndəsi İsmayıl Bəqai məlumat verib.
"Memorandumun imzalanmasının dəqiq vaxtı ilə bağlı məlumatı gözləmək lazımdır. Bu hadisə sabah baş tutmasa da, yaxın günlərdə reallaşması ehtimalı istisna olunmur", - deyə o bildirib.
"İran ilə ABŞ arasında sülh sazişi 24 saat ərzində imzalana bilər".
Oxu.Az xəbər verir ki, bu barədə Pakistanın Baş nazir Şahbaz Şərif "X" hesabında məlumat yayıb.
"Biz sülh müqaviləsinə heç vaxt olmadığı qədər yaxınıq. Sazişin yaxın 24 saat ərzində yekunlaşdırılması gözlənilir və Pakistan dərhal sonra sülh müqaviləsinin elektron qaydada imzalanmasına hazırlaşır. Bunun ardınca isə gələn həftə texniki səviyyədə danışıqlar baş tutacaq. Bu tarixi sülh sazişinin davamlı sülh üçün güclü bir təməl formalaşdıracağına əminliyimiz tamdır", - deyə Ş.Şərif paylaşımında qeyd edib.
Baş nazir danışıqlar zamanı nümayiş etdirdikləri davamlı sadiqliyə görə Amerika Birləşmiş Ştatlarına və İran İslam Respublikasına təşəkkürünü bildirib.
