İraqın cənub sahillərində hücuma məruz qalan iki neft tankerindəki yanğın söndürülüb.
Oxu.Az xəbər verir ki, bu barədə "Shafaq News" portalı məlumat yayıb.
Bildirilir ki, xilasedicilər hazırda yaralı və həlak olan ekipaj üzvlərini axtarırlar.
Axtarış-xilasetmə işləri təkcə tankerləri deyil, həm də ətrafdakı suları əhatə edir.
Daha əvvəl İraq təhlükəsizlik xidmətinin rəsmisi Saad Maan bəyan etmişdi ki, xilasedicilər yanan tankerlərdən 38 dənizçini təxliyə ediblər və bir nəfər ölüb.
Məlumata görə, martın 12-nə keçən gecə İraqın Umm-Qasr limanı yaxınlığında müvafiq olaraq Marşal Adaları və Malta bayraqları altında üzən iki neft tankeri - "Safesea Vishnu" və "Zefryros" minalanmış qayıqların hücumuna məruz qalıb. Toqquşma nəticəsində tankerlərdə yanğın baş verib.
Gəmilərin hansı ölkəyə mənsub olması ilə bağlı rəsmi məlumat yoxdur. Lakin İraq Dövlət Neft Marketinq Şirkəti (SOMO) Marşal Adaları bayrağı altında üzən zərərçəkmiş tankeri icarəyə götürdüyünü bəyan edib.
Hələlik bu hadisəyə görə məsuliyyəti heç kim öz üzərinə götürməyib.
İraq sahillərində iki tanker atəşə tutulub, daha bir tanker isə minalanmış kater tərəfindən hücuma məruz qalıb.
Oxu.Az xəbər verir ki, bu barədə "Shafaq News" məlumat yayıb.
Hücumlar nəticəsində ölən və yaralananların olduğu deyilir.
Tankerlərə hücumları kimin təşkil etdiyi barədə hələlik dəqiq məlumat verilməyib.
