İsrailin Qəzza və Livana hücumu nəticəsində 25 nəfər həlak olub

İsrailin Qəzza zolağının mərkəzi hissəsində yerləşən Əz-Zəvaidə rayonuna hücumu nəticəsində ən azı 15 nəfər həlak olub.

Oxu.Az bu barədə Qətərin "Al Jazeera" telekanalına istinadən məlumat verir.

Zərbə köçkün fələstinlilərin sığındıqları anbara endirilib. Telekanalın göstərdiyi kadrlarda dağılmış binanın ətrafında axtarış-xilasetmə əməliyyatının aparıldığı əks olunub.

İsrail hərbi hava qüvvələri, həmçinin, Livanın cənubunu da atəşə tutublar. Ən-Nabatiyə şəhərində yaşayış evlərindən birinə atılan raketlər nəticəsində ən azı 10 nəfər həlak olub, daha üç nəfər yaralanıb.