Rusiyadan Türkiyənin İskəndərun limanına gedən "Hacı Hüseyin" quru yük gəmisi mühərrik nasazlığı səbəbindən Bosfor boğazında saya oturub. Hadisə ilə əlaqədar boğazda gəmilərin hərəkəti hər iki istiqamətdə müvəqqəti dayandırılıb.
Oxu.Az xəbər verir ki, bu barədə Türkiyənin Sahil Mühafizəsi İdarəsi məlumat yayıb.
"Bildirilib ki, Rusiyadan İskəndərun limanına 22 min ton dəmir filizi daşıyan, San-Tome və Prinsipi bayrağı altında üzən, uzunluğu 154 metr olan gəmi mühərrikin sıradan çıxması nəticəsində Bosfor boğazının Kanlıca sahillərində saya oturub və lövbər salıb.
Hazırda iki yedək gəmisi və bir kater hadisə yerində müdaxiləyə hazır vəziyyətdədir. Yerli vaxtla saat 18:10-dan (Bakı vaxtı ilə 19:10) etibarən boğazda gəmi hərəkəti hər iki istiqamətdə müvəqqəti dayandırılıb", - məlumatda qeyd olunub.
