ABŞ-nin Vaşinqton ştatından olan bir kişi Cənubi Kaliforniya hava limanında təyyarələr üçün qoşqu maşınını oğurlayıb, onu uçuş meydançasında sürüb, başqa bir avtomobillə toqquşub və daha bir xidməti avtomobili ələ keçirməyə cəhd edib.
Oxu.Az-ın xəbərinə görə, bu barədə "New York Post" (NYP) nəşri mənbələrə istinadən məlumat verib.
"İddia olunur ki, Skayler Cey Barr 12 nömrəli minik çıxışının yanındakı təyyarə üçün qoşqu maşınına tullanıb və 7 nömrəli çıxışa doğru hərəkət edib, nəticədə "American Airlines" aviaşirkətinin xidməti zonasına çatıb və orada bu şirkətin avtomobillərindən birinə minməyə çalışıb", - deyə məlumatda bildirilib.
Nəşrin məlumatına görə, Skayler Cey Barr "American Airlines"ın avtomobilinə minə bilməyib, polis onu bunu etməzdən daha əvvəl saxlayıb. Saxlanıldıqdan sonra kişi xəstəxanaya aparılıb və orada ona toqquşma zamanı aldığı xəsarətlərə görə kömək göstərilib. Daha sonra o, nəzarət altına alınıb.
