Kaliforniyada "Qızıl Qlobus" mükafatının qalibləri elan edildi

Kaliforniyada "Beverli Hilton" hotelində 82-ci "Qızıl Qlobus" mükafatlarının təqdimetmə mərasimi baş tutub.

Oxu.Az bu barədə xarici KİV-ə istinadən xəbər verir.

Tədbirdə film və serial aləmində son bir il ərzində ən uğurlu layihələr və onların iştirakçıları mükafatlandırılıblar.

Belə ki, ilin ən yaxşı dramatik film mükafatı rejissor Bredi Korbetin çəkdiyi "The Brutalist" filminə verilib.

Ən yaxşı komediya filmi nominasiyasında Jak Odiarın "Emilia Peres" filmi qalib olub.

Komediya və müzikl janrında "The Substance" filmində ən uğurlu qadın obrazı yaratdığı üçün Demi Mur əsas mükafata layiq görülüb.

Dram sahəsində ilin ən yaxşı serialı "Shogun", komediya janrında isə "Hacks" seçilib.

Dram serialında ən yaxşı aktyor roluna Xiroyuki Sanada və Anna Savay, komediya sahəsində isə Ceremi Allen və Djin Smart layıq görülüblər.

Kaliforniyada "Qızıl Qlobus" mükafatının qalibləri elan edildi