Kişi müğənnini zorlama ilə hədələyən dağıstanlıların kimliyi məlum oldu

Rusiyalı müğənni Yeqor Kridə sosial şəbəkələrdə hədə-qorxu gələn şəxslərin kimliyi müəyyən edilib. 

Oxu.Az xəbər verir ki, bu barədə Rusiyanın Dağıstan Respublikasının Daxili İşlər Nazirliyinin yaydığı məlumatda deyilir. 

Bildirilir ki, Mahaçqalada konsertlə çıxış etməyi planlaşdıran E. Kridi ölüm və zorlama ilə təhdid edən şəxslərin kimliyi artıq məlumdur. Həmin şəxslərlə bağlı müvafiq araşdırma aparılır. 

Qeyd edək ki, E. Krid sabah Mahaçqalada konsertlə çıxış etməlidir. Bir neçə gün öncə sosial şəbəkələrdə bəzi istifadəçilər konsertin təxirə salınmayacağı təqdirdə, müğənniyə hədə-qorxu gələrək onu zorlayıb öldürəcəklərini bildiriblər. 

www.oxu.az