Rusiyalı müğənni Yeqor Krid təhdidlərə məruz qalıb. Buna səbəb onun Mahaçqalada planlaşdırılan konserti olub. Bəzi şəxslər ondan konsertin təxirə salınmasını istəyiblər.
Oxu.Az Lenta.ru-ya istinadla xəbər verir ki, təhdidlər ifaçının “Instagram” hesabındakı paylaşımlarının şərh bölümünə yazılıb.
“Dağıstana gəlmə, burada səni sevmirlər. Öz yaradıcılığını başqa regionlarda göstər, bizə sən lazım deyilsən!”, – istifadəçilərdən biri yazıb.
Bəzi istifadəçilər onu ölüm və zorlamaqla hədələyiblər.
Kridin fanatlarının əksəriyyəti onun tərəfində dayanıblar. “Yeqor, boş təhdidlərə fikir vermə, biz səni gözləyirik!”, – ifaçının fanatlarından biri fikirlərini bildirib.
Yeqor Kridin konserti sentyabrın 9-da keçiriləcək.
Rəylər