İyulun 25-nə olan son statistik məlumatlara əsasən, Konqo Demokratik Respublikasında Ebola virusuna 3 200 rəsmi yoluxma faktı qeydə alınıb.
Oxu.Az xəbər verir ki, bu statistikanı ölkənin Kommunikasiya və KİV Nazirliyi özünün "X" sosial şəbəkə hesabında açıqlayıb.
🚨 #EbolaRDC | Point de situation – 25 juillet 2026
— Ministère de la Communication et Médias/RDC (@Com_mediasRDC) July 27, 2026
La riposte contre Ebola se poursuit dans les cinq provinces concernées : Haut-Uélé, Ituri, Nord-Kivu, Sud-Kivu et Tshopo. Les équipes sanitaires poursuivent les activités de surveillance, de diagnostic, de prise en charge et de… pic.twitter.com/Lry6znk9Uh
Məlumatda deyilir ki, 773 xəstə təcrid olunub və ya xəstəxanaya yerləşdirilib, 571 nəfər sağalıb, 1 405 yoluxmuş şəxs isə vəfat edib.
"Bloomberg" agentliyinin məlumatına əsasən, hazırkı vəziyyət tarixdə ikinci ən genişmiqyaslı Ebola epidemiyasına çevrilə bilər. Xatırladaq ki, 2018-20-ci illər aralığında oxşar ərazidə yayılan qızdırma 3 470 insanın yoluxması ilə nəticələnmiş və onlardan 2 287-si vəfat etmişdi.
Həmin epidemiya Konqo tarixində ən böyük və dünyada miqyasına görə ikinci epidemiya olmuşdu. O zaman təsdiqlənmiş halların sayı yayılmağa başladıqdan təxminən bir il sonra 2 687-yə çatmışdı. Hazırkı epidemiya zamanı xəstələnənlərin sayı elan edildikdən 10 həftədən az müddətdə bu göstəricini ötüb.
