Yunanıstanın Krit adasında baş verən güclü meşə yanğını səbəbindən minlərlə insan təxliyə edilib.
Oxu.Az xəbər verir ki, bu barədə "The Independent" nəşri məlumat yayıb.
Məlumata görə, yanğın evləri ildırım sürəti ilə məhv edir, yerli sakinlər işıqsız qalıblar.
"Yunanıstanın Krit adasında güclü küləklər alovun sürətlə yayılmasına səbəb olduğu üçün ən azı 1500 nəfərin kəndlərdən, turizm kurortlarından və sahilyanı hotellərdən evakuasiya edilməsinə səbəb olan güclü meşə yanğını davam edir", - deyə məlumatda bildirilib.
Qeyd edək ki, Yunanıstanın Krit adası həm əcnəbi, həm də yerli turistlərin ölkədə ən çox üz tutduqları yerlərdən biridir.
