Belarus Prezidenti Aleksandr Lukaşenko Şanxay Əməkdaşlıq Təşkilatının (ŞƏT) sammitinə təzə Belarus kartofu ilə yollanacaq.
Oxu.Az xəbər verir ki, bu barədə TASS məlumat yayıb.
Məlumata görə, Lukaşenko Çinə qarşıdakı səfəri zamanı ŞƏT sammitinə toplaşacaq xarici liderlərə hədiyyə etmək üçün özü ilə bir neçə kisə kartof aparacağını bildirib.
Dövlət başçısının sözlərinə görə, artıq prezidentin fermasında yetişdirilmiş təzə yığılmış kartofla dolu olan hədiyyə torbaları hazırlanıb. Bunlar yerli kartof sortlarıdır.
Xatırladaq ki, avqustun 31-dən sentyabrın 1-dək Tyantszin şəhərində keçiriləcək ŞƏT sammitində Belarus prezidenti də daxil olmaqla 20-dən çox dövlətin rəhbərləri iştirak edəcək.
