Marko Rubio: "Zelenski üzr istəməlidir"

"Zelenski bu işi fiaskoya çevirdiyinə görə üzr istəməlidir".

Oxu.Az-ın xəbərinə görə, bu sözləri ABŞ dövlət katibi Marko Rubio CNN-ə müsahibəsində Donald Tramp və Volodimir Zelenski arasında baş verənləri dəyərləndirərkən deyib.

Onun sözlərinə görə, Ukrayna prezidenti sülhə nail olmaq üçün bütün səyləri məhv edib və görüşün təşkilində iştirak edən hər kəsi məyus edib.

ABŞ dövlət katibi Ukrayna liderini Ağ Evdəki uğursuzluqdan sonra üzr istəməyə çağırıb. M.Rubio dünənki çıxışının Ukrayna dövlət başçısı üçün fiaskoya çevrildiyini bildirib.

Dövlət katibi qeyd edib ki, indi Zelenski dinc başa çatmalı olan görüş üçün onların vaxtını aldığına görə üzr istəməlidir.

Rubio onu da qeyd edib ki, Zelenskinin özü sülh sazişini istəmir və o, antaqonistə çevrilməməli idi.

ABŞ dövlət katibi Ukrayna prezidentinin Donald Tramp və Ceyms Devid Vensə qarşı aqressiv davranışını xatırladaraq, belə qeyri-stabil insanlarla razılığa gəlmək, onlarla danışıqlar masası arxasına oturtmağın mümkün olmadığı qənaətinə gəldiyini deyib.

Marko Rubio: "Zelenski üzr istəməlidir"