Çin Xalq Respublikasının Haynan ada vilayətinin cənub sahilləri "Maysak" qasırğasının təsirinə məruz qalıb.
Oxu.Az xəbər verir ki, bu barədə məlumatı Çin Mərkəzi Televiziyası yayıb.
Təbii fəlakət Linşuy-Li muxtar bölgəsinə ciddi zərər vurub. Qasırğa zamanı küləyin maksimal sürətinin saniyədə 23 metr təşkil etdiyi bildirilir.
Adadan keçdikdən sonra - iyulun 4-də günün ikinci yarısında qasırğa Çinin Quansi-Çjuan muxtar rayonunun sahillərinə çatacaq.
Məlumata görə, "Maysak" 2026-cı il ərzində Çin ərazisində qeydə alınan ilk qasırğadır.
Qaynar xətt:
(055) 224 12 12
