ABŞ-nin birinci xanımı Melaniya Tramp rusiyalı və ukraynalı uşaqların öz ailələri ilə yenidən qovuşması prosesinə dəstək göstərib.
Oxu.Az xəbər verir ki, bu barədə Ağ Evin yaydığı açıqlamada qeyd olunub.
"Birinci xanım Melaniya Tramp münaqişənin təsirinə məruz qalanların rifahı naminə humanitar fəaliyyətini davam etdirərək, Ukrayna və Rusiya uşaqlarından ibarət beşinci qrupun öz yaxınlarına qovuşmasına köməklik göstərib", - deyə məlumatda bildirilir.
Açıqlamada ümumilikdə beş uşağın öz ailəsinə təhvil verildiyi vurğulanır. ABŞ-nin birinci xanımı azyaşlıların təhlükəsiz şəkildə doğmalarına qaytarılması istiqamətində Rusiya və Ukrayna hökumətləri ilə birgə əməkdaşlığı davam etdirməyi planlaşdırır.
Qaynar xətt:
(055) 224 12 12
