Moldova hökuməti Dnestr çayında suyun səviyyəsinin kəskin azalması səbəbindən Novodnestrovsk su anbarındakı strateji su ehtiyatından istifadə etməyə başlayıb.
Oxu.Az xəbər verir ki, bu barədə ölkənin ətraf mühit naziri Georgi Xajder məlumat verib.
Onun sözlərinə görə, su anbarına saniyədə təxminən 30 kubmetr su daxil olduğu halda, Dnestr çayına saniyədə 85 kubmetr su buraxılır. Nazir sakinləri sudan qənaətlə istifadə etməyə çağırıb.
Avqustun əvvəlində Moldova hakimiyyəti su istehlakına məhdudiyyətlər tətbiq edib, həmçinin Dnestrdə suyun səviyyəsinin azalması fonunda elektrik enerjisinə qənaət tədbirləri görüb.
Qeyd edək ki, Dnestr çayı Kişinyovun və Moldovanın digər iri yaşayış məntəqələrinin əsas içməli su mənbəyidir.
Qaynar xətt:
(055) 224 12 12
