Myanmanın cənubunda, Yanqon şəhəri yaxınlığında 5.4 bal gücündə zəlzələ baş verib.
Oxu.Az xəbər verir ki, bu barədə Tailandın Meteorologiya Departamenti məlumat yayıb.
Zəlzələ ocağı Andaman dənizinin 10 kilometr dərinliyində yerləşib. Hələlik dağıntılar və xəsarət alanlar barədə məlumat verilməyib.
Tailandın "Thairath" nəşrinin məlumatına görə, qonşu ölkədə baş verən zəlzələ Banqkokun mərkəzində çoxmərtəbəli binalarda da hiss olunub.
