Nepalda toy iştirakçılarını daşıyan avtobusun aşması nəticəsində azı 13 nəfər ölüb, 34 sərnişin yaralanıb.
Oxu.Az xəbər verir ki, bu barədə "Associated Press" yerli polisə istinadən məlumat yayıb.
Məlumata görə, mərasimdən qayıdan toy iştirakçılarını daşıyan avtobus yoldan çıxaraq təxminən 200 metrlik yüksəklikdən dərəyə yuvarlanıb.
Gəlin və bəy başqa bir avtomobildə olduqlarından xəsarət almayıblar.
Polis qəzanın baş vermə səbəbləri ilə bağlı araşdırmaya başlayıb.
