Norveç Kralı V Haraldın vəfatından təxminən iki həftə sonra Osloda onunla dövlət səviyyəsində vida mərasimi təşkil olunub. 89 yaşında dünyasını dəyişən monarxın xatirəsini anmaq üçün sentyabrın 9-da paytaxtın baş kilsəsində matəm tədbirləri keçirilib.
Oxu.Az xəbər verir ki, bu barədə "People" nəşri məlumat yayıb.
Oslo kilsəsindəki mərasimə dünyanın müxtəlif ölkələrindən kral ailələrinin nümayəndələri və yüksəkvəzifəli şəxslər toplaşıblar.
Mərhum kralın cənazəsi olan tabut saraydakı ibadətgahdan kilsəyə gətirilib və bu mərasim marşrutu boyu 200 minə yaxın insan sıraya düzülüb. Dəfn mərasimi Norveç Kilsəsinin qaydalarına uyğun olaraq yepiskop Olav Fikse Tveytin rəhbərliyi altında baş tutub.
Rəsmi hissə bitdikdən sonra tabut yaxın qohumların iştirakı ilə dar çərçivədə keçiriləcək xüsusi mərasim üçün Akersxus qalasına aparılacaq və monarx orada, valideynlərinin yanında dəfn ediləcək.
