“Oskar” sahiblərini tapdı - FOTO/VİDEO

ABŞ-ın Los-Anceles şəhərində ABŞ kinoakademiyasının 91-ci “Oskar” mükafatlandırma mərasimi keçirilib.

BBC-nin məlumatına görə, şəhərin “Dolbi” teatrında keçirilən tədbirdə əsas rəqabət “Yaşıl Kitab” tragikomediyası, “Roma” dramı və “Bohem rapsodiyası” arasında gedib.

Rejissor Piter Farellinin lentə aldığı “Yaşıl Kitab” adlı tragikomediyası “Ən yaxşı film” kateqoriyasında “Oskar” qazanıb. Filmin süjeti real hadisələrə əsaslanır. Ekran əsəri tanınmış qaradərili bəstəkar və pianoçunu qastrol səfəri boyu müşayiət edən ipə-sapa yatmayan və çərənçi sürücüdən bəhs edir.

Meksikalı rejissor Alfonso Kuaronun “Roma” adlı ağ-qara kinolenti “Ən yaxşı xarici dilli film” kateqoriyasında qalib gəlib. Film, eyni zamanda, “Ən yaxşı operator işi” nominasiyasında “Oskar” götürüb, rejissor özü isə (Alfonso Kuaron) ən yaxşı rejissor nominasiyasında qalib olub.

Amerikalı aktyor Rami Malek “Bohem Rapsodiyası” adlı bioqrafik dramda oynadığı rola görə “Ən yaxşı aktyor” nominasiyasında qalib gəlib. Filmdə Malek “Queen” qrupunun əfsanəvi vokalisti Freddi Merkurinin obrazını canlandırıb.

“Favorit qadın” komedik dramında Kraliça Annanı oynayan britaniyalı aktrisa Oliviya Koulmen isə “Ən yaxşı aktrisa” nominasiyasında “Oskar” mükafatına layiq görülüb. Aktrisa sevincindən göz yaşlarını saxlaya bilməyib və səhnədə nitqlə çıxışı zamanı da tez-tez doluxsunub.

“Ən yaxşı ikinci plan qadın rolu” nominasiyasında mükafat “Bil-strit danışa bilsəydi” filmində Şeron Rivers rolunu oynayan amerikalı aktrisa Recinə Kinqə nəsib olub.

“Ən yaxşı ikinci plan kişi rolu” nominasiyasında isə “Oskar” heykəlciyi “Yaşıl Kitab” tragikomediyasında qaradərili bəstəkar və pianoçu Don Şirli obrazını canlandırmış Maherşala Əliyə təqdim olunub.

Amerikalı müğənni Ledi Qaqa  “Ulduz doğulub” dramında “Shallow” kompozisiyasının ifasına görə “Ən yaxşı kino mahnısı” nominasiyasında qalib olub.

“Hörümçək adam: Kainatdan keçərək” adlı cizgi filmi ən yaxşı tammetrajlı animasiya nominasiyasında “Oskar”a layiq görülüb.

In a heartfelt speech, Oscar winner Rami Malek praises his mom, says he knows his dad is looking down on him, thanks Queen, and says the world "is longing for stories" about people being "unapologetically" themselves.

Watch the whole thing: https://t.co/XQU450bcno #Oscars pic.twitter.com/vXI7TZfuxJ

— Good Morning America (@GMA) 25 February 2019

"I NEED A DRINK" - Lady Gaga #Oscars pic.twitter.com/sPy4VnoxXr

— Lady Gaga Now 👾 (@LadyGagaNowNet) 25 February 2019

another iconic acceptance speech from olivia colman #Oscars pic.twitter.com/PrjnUVki5M

— olivia colman warrior (@diccgraysonn) 25 February 2019