Özbəkistanda məsciddə partlayış: Ölənlər var

Özbəkistanın şərqindəki Əndican vilayətində məsciddə qaz-hava partlaması nəticəsində ölənlər və yaralananlar var.

Oxu.Az-ın TASS-a istinadən xəbərinə görə, bu barədə ölkənin Fövqəladə Hallar Nazirliyinin mətbuat xidmətindən məlumat verilib.

"Partlayış nəticəsində üç vətəndaş həlak olub, 10 vətəndaş yaralanaraq tibb müəssisələrinə aparılıb", - deyə məlumatda bildirilib.

13:04

Özbəkistanın Əndican vilayətinin İzbaskan rayonundakı məscidlərdən birində qaz-hava qarışığının partlaması baş verib.

Oxu.Az-ın Repost.uz-a istinadən xəbərinə görə, bu barədə Özbəkistan Fövqəladə Hallar Nazirliyindən məlumat verilib.

"Martın 31-i saat 12:19-da (Bakı vaxtı ilə 11:19 - red.) Mirzə Uluqbek məhəlləsi ərazisində yerləşən Ahmadali Xoca məscidində qaz-hava qarışığının partlaması barədə məlumat daxil olub. Hadisə yerinə regional Fövqəladə Hallar İdarəsinin rəhbərliyi və məsul əməkdaşları gediblər", - deyə FHN-in məlumatında bildirilib.

İlkin məlumata görə, məsciddə dəstəmaz binası uçub. Hadisə nəticəsində altı nəfər xəsarət alıb.