Pakistanda son bir neçə gündə güclü musson yağışları və onların törətdiyi fəsadlar nəticəsində azı 45 nəfər ölüb.
Oxu.Az xəbər verir ki, bu barədə Geo TV məlumat yayıb.
Telekanalın məlumatına görə, ölənlərin çoxu - 21 nəfər Heybər-Paxtunxva əyalətində qeydə alınıb. Sind, Bəlucistan və Pəncab əyalətlərindən də ölüm xəbərləri gəlir.
Bildirilir ki, güclü yağış və mümkün daşqın riski hələ bir həftə davam edəcək. Qeyd edilir ki, qasırğalı küləklər və tufan zəif tikililərə, elektrik xətlərinə, reklam lövhələrinə, nəqliyyat vasitələrinə və günəş panellərinə ziyan vura bilər. Dağlıq ərazilərdə baş verən sürüşmələr müvəqqəti olaraq yol əlaqəsini poza bilər.
