Türkiyənin İstanbul və Kocaeli vilayətlərində fasiləsiz yağan leysan yağışlarının yaratdığı güclü daşqınlar nəticəsində həyatını itirənlərin sayı 9 nəfərə yüksəlib.
Oxu.Az-ın Türkiyə mediasına istinadla verdiyi məlumata görə, təbii fəlakət bölgəsində itkin düşən şəxslərin axtarış-xilasetmə tədbirləri gedişatında daha bir vətəndaşın cəsədi tapılaraq sudan çıxarılıb və ölü sayı 9-a çatıb.
Hazırda itkin düşmüş hesab edilən daha bir nəfərin tapılması istiqamətində axtarış işləri aparılır.
Qeyd edək ki, son günlər ərzində Türkiyənin bir sıra bölgələrində dayanmadan yağan yağışlar ağır fəsadlar törədib. Sinoptiklərin məlumatına əsasən, yağıntılı hava şəraitinin hələ də davam edəcəyi proqnozlaşdırılır.
Qaynar xətt:
(055) 224 12 12
