Oktyabrın 16-da ABŞ-nin Texas ştatında yağan şiddətli leysan yağışları nəticəsində yollar və maşınlar sular altında qalıb.
Oxu.Az xəbər verir ki, təbii fəlakətin yaratdığı fəsadları əks etdirən görüntülər "Telegram" kanallarında yayımlanıb.
Əraziyə düşən güclü yağıntılar qısa müddət ərzində küçələri keçilməz edib. Magistral yollara dolan sular avtomobilləri axınlar içərisində çarəsiz vəziyyətdə qoyub. Yerli rəhbərlik orqanları gözlənilməz təbiət hadisəsinin nəticələrini aradan qaldırmaq üçün tədbirlər görür.
Qeyd edək ki, oktyabrın 14-də İstanbulda yağan güclü yağışlar və daşqınlar nəticəsində üç nəfər həyatını itirib, dörd nəfərin isə itkin düşdüyü bildirilir.
Qaynar xətt:
(055) 224 12 12
