Pakistanda məsciddə partlayış baş verib: Ölənlər və yaralananlar var

Pakistanın Akora şəhərində mədrəsənin nəzdindəki məsciddə baş verən partlayış nəticəsində azı dörd nəfər ölüb, 12 nəfər yaralanıb.

Oxu.Az xəbər verir ki, bu barədə "Geo TV" məlumat yayıb.

Qeyd olunur ki, tibb müəssisələrində yüksək hazırlıq rejimi elan edilib.

Məlumata görə, bu, Ramazan ayı öncəsi son cümə namazı olub və dindarların böyük kütləsi camaat namazında iştirak edib. Qeyd edək ki, Darul Ulum Haqqaniya mədrəsəsi ölkənin ən böyük İslam məktəblərindən biridir.