Pentaqonun rəhbəri Pit Heqset ABŞ-də Naməlum Əsgərin məzarı önündə gülməsinə görə ona irad bildirən hərbçini mükafatlandırdığını açıqlayıb.
Oxu.Az xəbər verir ki, bu barədə o, "X" sosial şəbəkəsindəki hesabında paylaşım edib.
"Hər bir əsgəri sevirik. Standartlara hörmət edirik. Əla işdir, əsgər", - deyə Heqset yazıb.
O, paylaşımına həmin hərbçinin fotosunu da əlavə edib. Əsgər "Ləyaqətli xidmətə görə" medalı ilə təltif olunub.
Xatırladaq ki, daha əvvəl ABŞ ordusunun fəxri qarovulunun hərbçisi Veteranlar Günü münasibətilə Arlinqton qəbiristanlığında keçirilən mərasimdən sonra Naməlum Əsgərin məzarı yaxınlığında Pit Heqsetə və onun baş müşavirlərinə irad bildirib. Buna səbəb onların bəzilərinin məzarın yanında gülməsi və söhbət etməsi olub.
Qaynar xətt:
(055) 224 12 12
