Putin görüş zamanı ABŞ-dən nə istəyib? - Stiven Uitkoff açıqladı

Rusiyanın Sankt-Peterburq şəhərində beş saata yaxın davam edən uzunmüddətli görüşdə Rusiya Prezidenti Vladimir Putin ABŞ Administrasiyasına müraciət edərək, Ukraynada möhkəm və davamlı sülhün təmin edilməsi üçün səylərin göstərilməsinə çağırıb.

Oxu.Az-ın "Fox News" telekanalına istinadən xəbərinə görə, bu barədə ABŞ Prezidenti Donald Trampın xüsusi nümayəndəsi Stiven Uitkoff danışıb.

Görüşdə Rusiya lideri ilə yanaşı, prezidentin köməkçisi Yuri Uşakov və Rusiya Birbaşa İnvestisiyalar Fondunun rəhbəri Kirill Dmitriyev də iştirak ediblər.

Uitkoff baş tutan danışıqları "əla" kimi xarakterizə edib və vurğulayıb ki, bu əsas məqama çatmaq üçün xeyli vaxt lazım olub.

"Putinin tələbi davamlı sülhün bərqərar olmasına əsaslanır", - deyə Trampın xüsusi nümayəndəsi vurğulayıb.

Xatırladaq ki, aprelin 11-də Rusiya Prezidenti Vladimir Putinlə ABŞ liderinin xüsusi nümayəndəsi Stiven Uitkoff arasında görüş baş tutub.