Almaniya, Böyük Britaniya, Fransa və ABŞ Ukraynaya tədarük edilən silahların mənzilinə qoyulan məhdudiyyətləri aradan qaldırıb.
Oxu.Az-ın xəbərinə görə, bu barədə Almaniya Kansleri Fridrix Merts WDR teleradio şirkətinin təşkil etdiyi forumda çıxışı zamanı məlumat verib.
"Ukraynaya tədarük edilən silahlar üçün artıq heç bir mənzil məhdudiyyəti yoxdur. Nə Böyük Britaniya, nə Fransa, nə də bizim tərəfimizdən. ABŞ tərəfindən də yoxdur", - deyə Merts bildirib.
Kanslerin sözlərinə görə, bu o deməkdir ki, Ukrayna məsələn, Rusiyadakı hərbi mövqelərə hücum etməklə özünü müdafiə edə bilər. O əlavə edib ki, bir müddət əvvəl bu mümkün deyildi - çox nadir istisnalar olmaqla.
Qeyd edək ki, Fransa, ABŞ və Böyük Britaniya hələ 2024-cü ilin noyabrında Ukraynaya Kiyevə verilən uzaqmənzilli silahlar, xüsusən də ABŞ-nin ATACMS raketləri və İngiltərə-Fransa istehsalı olan "Storm Shadow"larla Rusiyanın dərinliklərinə zərbələr endirməyə icazə vermişdi. Kansler Olaf Şoltsun dövründə Almaniya Ukrayna Silahlı Qüvvələrinə uzaqmənzilli "Taurus" raketlərinə tədarük etməkdən imtina etmişdi. Onların uçuş məsafəsi 500 km-ə çata bilər.
Fridrix Merts, həmçinin vurğulayıb ki, Almaniya Ukraynanı dəstəkləməyə davam etmək üçün mümkün olan hər şeyi edəcək.
