Ən son xəbərləri bizim "X" səhifəmizdə izləyin

Qəzzaya zərbələr səbəbindən Netanyahu ilə bağlı məhkəmə iclası ləğv edildi
İsraildə məhkəmə ölkənin Baş naziri Benyamin Netanyahu ilə bağlı planlaşdırılan məhkəmə iclasını ləğv edib. Buna səbəb Qəzza sektorunda döyüş əməliyyatlarının yenidən başlamasıdır.
Oxu.Az-ın məlumatına görə, bu barədə İsrailin "Ynet" portalı xəbər verir.
Planlaşdırılan iclasda məhkəmənin baş nazirin ifadələrini dinləyəcəyi gözlənilirdi.
Xatırladaq ki, martın 18-də İsrail Müdafiə Ordusu (SAXAL) Qəzza sektorunda HƏMAS hərəkatına məxsus terror obyektlərinə genişmiqyaslı zərbələr endirdiyini bildirib. Netanyahunun Ofisi İsrailin anklavın ərazisində HƏMAS-a qarşı hərbi əməliyyatları yenidən başlatdığını bəyan edib.
Keçən il dekabrın 10-da Netanyahu Təl-Əviv Dairə Məhkəməsinin yeraltı iclas zalında korrupsiya və sui-istifadə işi üzrə ifadə verməyə başlayıb. Hakimlərin qərarına əsasən, baş nazir həftənin bazar ertəsi, çərşənbə axşamı və çərşənbə günləri gündə altı saat ifadə verməlidir.
Netanyahu İsrailin özünə qarşı cinayət işləri üzrə məhkəmədə ifadə verən ilk fəaliyyətdə olan hökumət başçısıdır.
"Benyamin Netanyahu" teqi üzrə xəbərlər
- Husilər Qırmızı dənizdə İsraillə əlaqəli gəmilərə hücumları bərpa edirlər
- İsrail HƏMAS-la atəşkəsi uzada bilər: Netanyahu tapşırıq verdi
- Tramp Qəzzanın gələcəyi barədə layihəsinin süni intellektlə hazırlanmış videosunu paylaşdı
- Ərdoğan Trampın planını TƏNQİD ETDİ: "Türkiyə buna yol verməyəcək"
- "Haber Global"da ABŞ dövlət katibinin İsrailə səfərinə həsr olunan süjet yayımlanıb