Roma Papası Fransisk Böyük Məryəm Ana kilsəsində dəfn olunub.
Oxu.Az bu barədə kp.ru-ya istinadla xəbər verir.
Bildirilir ki, dəfn mərasimi bir neçə kardinalın da daxil olduğu məhdud sayda iştirakçı ilə keçirilib.
İtaliya mətbuatının verdiyi məlumata görə, növbəti Roma Papasının seçkisi 5-10 may tarixləri arasında keçiriləcək.
Vatikanda Papa Fransisklə vida mərasimi başa çatıb.
Oxu.Az bu barədə TASS-a istinadla xəbər verir.
Bildirilir ki, tədbiri 250 min nəfər canı olaraq izləyib.
Vatikanda 266-cı Roma Papası Fransiskin (Xorxe Mario Berqolyo) dəfn mərasimi başlayıb.
Oxu.Az bu barədə AiF.ru-ya istinadla xəbər verir.
Bildirilir ki, Müqəddəs Pyotr meydanına dəfn mərasiminə onminlərlə insan gəlib, Vatikana həmçinin ABŞ prezidenti Donald Tramp və xanımı Melaniya, 10 taclı şəxs, Braziliya rəhbəri Lula da Silva, Fransa prezidenti Emmanuel Makron və Ukrayna lideri Vladimir Zelenski də daxil olmaqla bir çox dünya liderləri, eləcə də dini nümayəndələr gəliblər.
Bu gün İtaliyanın paytaxtında Papa Fransisklə vidalaşma mərasimi keçiriləcək.
Oxu.Az xarici KİV-ə istinadən xəbər verir ki, bu səhər Vatikandakı Müqəddəs Pyotr meydanı yenidən ziyarətçilər üçün açılıb - məhz burada bir neçə dildə ayin keçiriləcək. Kilsə xidmətini yerli vaxtla saat 9:00-da kardinallar kollegiyasının dekanı Covanni Battista Re başlayacaq.
Mərasimdə bir çox ölkələrin liderlərinin iştirakı gözlənilir. Bir saat yarım davam edəcək ayindən sonra pontifikin cəsədi olan tabut Müqəddəs Pyotr kilsəsinə gətiriləcək, oradan da matəm qəfiləsi başlayacaq.
Dəfn yerinə gedən marşrut Romanın mərkəzindən keçəcək. Qəfilə Venesiya meydanı, Roma Forumu və Kolizeyin yanından keçəcək və günorta vaxtı Santa-Maria-Maggiore kilsəsinə çatacaq. Dəfn mərasiminin özü ictimaiyyətin iştirakı olmadan keçiriləcək. Mərasimi küçədən və şəhərdə quraşdırılmış böyük ekranlardan izləmək mümkün olacaq.
