Polşada Elblonq dairə məhkəməsi rahib Polikarp kimi tanınan 66 yaşlı Yan N. adlı şəxsi pedofiliyaya görə səkkiz il həbs cəzasına məhkum edib.
Oxu.Az-ın xəbərinə görə, bu barədə "RFM24" nəşri məlumat verib.
"Keşiş yetkinlik yaşına çatmayanlara qarşı cinsi cinayətlərə görə səkkiz il həbs cəzasına məhkum edilib. Məhkəmə nümayəndəsi Arkadiuş Kutanın sözlərinə görə, işin spesifik təbiətinə görə məhkəmə qapalı qapılar arxasında keçirilib", - deyə nəşr bildirib.
Nəşrin məlumatına görə, rahib, həmçinin Vatikan dövlət katibliyində işləyib.
Məhkəmə təqsirləndirilən şəxsə yalnız həbs cəzası verməyib, həm də onun uşaqlarla bağlı fəaliyyətlə məşğul olmasına ömürlük qadağa qoyub. Bundan əlavə, o, 10 il müddətinə cinayət qurbanları ilə əlaqə saxlamaqdan məhrum edilib.
Prokurorluq müəyyən edib ki, rahib öz cinayətlərini 2006-2016-cı illərdə həm Polşada, həm də ölkədən kənarda törədib. Yan N.-ə dörd yetkinlik yaşına çatmayan şəxsə qarşı 14 maddə üzrə ittiham irəli sürülüb.
