İtaliyanın paytaxtı Romanın cənub bölgəsində yaşayan sakinlər küçələrdə və meydanlarda sərbəst gəzən onlarla at görüblər.
Oxu.Az xəbər verir ki, bu barədə "La Repubblica" qəzeti məlumat yayıb.
Hadisə 2 iyun - İtaliyanın Respublika Günü ərəfəsində keçirilən ənənəvi paradın məşqindən sonra baş verib. Polisin ehtimalına görə, atlar məşq zamanı atılan fişəng və partlayış səslərindən qorxaraq qaçıblar. Həmin anda heyvanların üzərində nəzarətçi olmadığı üçün onlar təşvişə düşərək şəhərə dağılışıblar.
Hadisə nəticəsində atları dayandırmağa çalışan dörd nəfər ciddi xəsarət alıb, onlardan 2-si xəstəxanaya yerləşdirildi. Təxminən 15 atın da yaralandığı bildirilir.
Məşqdə hərbçilər, karabinyerlər və atlı polis əməkdaşları iştirak ediblər.
Qaynar xətt:
(055) 224 12 12
