Rusiya və Ermənistan arasında aqrosənaye mallarının dövriyyəsi 16% artıb

Rusiya və Ermənistan arasında aqrosənaye mallarının dövriyyəsi 2024-cü ildə əvvəlki illə müqayisədə 16.2% artıb.

Oxu.Az-ın TASS-a istinadən məlumatına görə, bu barədə Rusiya-Ermənistan İşgüzar Şurasının genişləndirilmiş iclasında Rusiyanın iqtisadi inkişaf nazirinin müavini Dmitri Volvaç bildirib.

Onun məlumatına görə, Rusiyanın Ermənistana ixracı 9.7%, idxal isə 21.8% artıb.

"Rusiya hələ də Ermənistanın kənd təsərrüfatı məhsullarının idxal strukturunda əsas tərəfdaş ölkə olaraq qalır. Kənd təsərrüfatı sahəsində qarşılıqlı əməkdaşlıq iki ölkə arasında ticari-iqtisadi əməkdaşlığın bütün kompleksinin inkişafının ən güclü hərəkətverici qüvvəsidir", - deyə nazir müavini qeyd edib.