Rusiya Daxili İşlər Nazirliyi "Anderson" ailə kafesi şəbəkəsinin təsisçisi Anastasiya Tatulovanı axtarışa verib.
Oxu.Az TASS-a istinadla xəbər verir ki, bu, xarici agentlər haqqında qanunu pozduğuna görə Tatulovaya qarşı cinayət işi qaldırılması ilə bağlı ola bilər.
Rusiya Ədliyyə Nazirliyi 2024-cü ilin aprelində onu xarici agentlər reyestrinə daxil edib.
Hazırda Tatulova Rusiya hüdudlarından kənarda yaşayır.
Xatırladaq ki, 44 günlük Vətən müharibəsi zamanı Tatulova bu münaqişədə həm düşüncələri, həm də maliyyə dəstəyi ilə ermənilərin tərəfində olduğunu bəyan etmişdi.
