Şahzadə Harri xərçəng xəstəsi olan atası III Çarlza xanımı Meqan Markl səbəbindən baş çəkmir.
Oxu.Az-ın verdiyi məlumata görə, bu barədə "Radar Online" nəşri cütlüyün ətrafından olan mənbəyə istinadən məlumat verib.
Qeyd edilir ki, aprelin 7-də Şahzadə Harri Böyük Britaniyaya səfərləri zamanı dövlət mühafizəsinin ona qaytarılmasına nail olmaq üçün Londona uçub. Sasseks hersoqu paytaxtda atası ilə görüşə bilərdi, çünki kral o zaman orada müalicə alırdı. Lakin Şahzadə Harri Meqan Markl səbəbindən III Çarlzla ünsiyyətdən imtina edib.
"Harri atasını ziyarət etmək istəyirdi, lakin bunu etmədi və hamı deyir ki, onu Meqanı narahat etmək qorxusu saxlayıb", - deyə nəşrin müsahibi bildirib.
Mənbənin sözlərinə görə, III Çarlzın kiçik oğlu uzun müddətdir qohumları ilə münasibətləri yaxşılaşdırmaq istəyir, lakin kraliça Kamillanın və Şahzadə Uilyamın mənfi münasibəti səbəbindən buna nail ola bilmir.
"Harri onlarla barışmağa çalışdı, lakin onlar ondan üz döndərdilər. Bu onu qəzəbləndirir, Meqan isə onun qisas almaq istəyini qidalandırır", - deyə tabloidin müsahibi bildirib.
