Saxalində buz parçasının üzərində köməksiz qalan balıqçılar xilas edildilər

Rusiyada xilasedicilər Saxalin sahillərində qopan buz parçasının üzərindən 374 balıqçını xilas ediblər.

Oxu.Az-ın TASS-a istinadən xəbərinə görə, bu barədə Rusiya Fövqəladə Hallar Nazirliyinin mətbuat xidmətindən məlumat verilib.

"Saxalində xilasetmə əməliyyatı uğurla başa çatıb. Bütün buz sahəsi və sahil tədqiq edilib. Bütün insanlar sahilə çıxarılıb. Ümumilikdə 374 nəfər xilas edilib", - deyə nazirlikdən bildirilib.

14:08

Rusiyanın Saxalin vilayətində üzərində 200-ə yaxın balıqçının olduğu buz parçası qopub.

Oxu.Az-ın Rusiya KİV-ə istinadən xəbərinə görə, bu barədə ölkənin Fövqəladə Hallar Nazirliyindən məlumat verilib.

Bildirilib ki, hazırda Saxalin sahillərində balıqçıların xilas edilməsi üzrə əməliyyat aparılır:

"Oxot dənizindəki buz parçasının üzərində, ilkin məlumata görə, 200 nəfər var".

Balıqçıların xilas edilməsi üçün hava yastığı gəmisi cəlb olunub, həmçinin FHN-in "Mi-8" helikopteri hazır vəziyyətə gətirilib.